Elika اهم اعضاء المنتدى
عدد المساهمات : 9 السٌّمعَة : 0 تاريخ التسجيل : 27/09/2009 العمر : 30 الموقع : الاردن
| موضوع: كيف يقولونها ؟ الأحد سبتمبر 27, 2009 6:30 am | |
| --------------------------------------------------------------------------------
كيف يقولونها ؟
* في اربد بقولوها هيك :-
الأب : منو اللي ع الشجرة ؟
الابن : هاظا اني يابا اسماعيل مالك بطلت تعرفني ...
الأب : يا أم احمد دوك ابنش اسماعيل ع الشجرة اسع أيات بوقع وبتنكسر ايده ...J
الأم : يا زلمه مالك , مال غضبك خلي الولد يلعب ( الميم في كلمة مالك مفخمه).
* في الكرك بقولوها هيك :
الأب : منو اللي فوق الشجرة.
الابن : علامك يابا انت انعميت , هذا أنا ' ضيف الله '.
الأب : والله لألعن صباح ابوك, طيح عن الشجرة يا ملعون الوالدين لا تقع وبعدين انقوم نقل فيك ع الدكاتره.
الابن : ما ودي أطيح ....
الأب : والله ود اللي يسطح بطنك ان شاء الله. يا أم محمد روحي طيحي ابنك لامزع رقبتك ورقبته.
* في الخليل بقولوها هيك :
الأب : محمآد ولك انزآلل ل عن الشجر آآه ....
الابن : شو حكييييت.
الأب : بؤلك انزل هلأ بضربك بالساطوووووووور..
الابن : روح اضرب حاآآآآآآآلك.
الاب : يووووووووه ...... ام م م م محمآااد تعالي شوفي ابنك ضناكيييي ..... مشرآاادي ينزآل...
الأم : ابو محمآااد الله يؤصف عمرآاااك وعمر ابناآك , انا بدي اشتغل فيكووو هئيتاآاااه .ذ
* في طولكرم وتحديدا العنبتاوية بقولوها هيك :
الأب: ازل يابا يا امحمد لتوكع وتنكطم ركبتك !
الابن: يابا خليني كاعد بلعب ومبسوط
الأب: و لك كلتلك انزل لأكطع الشجرة وأرتاح من كرفك
الابن: بكللك مش نازل وسوي الي بدك اياه
الاب: ماشي يا وكح ! , تعالي يا ام اممحمد نزلي الولد وطعميه كتله
الأم: يا رجال عكدتو للولد ,,, أي خليه كاعد وخلينا احنا كمان مرتاحين من كردنتو!
* في ' عبدون (من مناطق عمان الراقية) ' بقولوها هيك :
الام : ماما سمير انزل عن الشجرة هلأ بتوئع وبتنكسر ايدك وبصير عندك واوا
الابن : ماما , معليش خليني please يا ماما...
الأم : والله يا ماما انا خايفه عليك... يالله يا حبيبي مشان الماما انزل بس هالمره .... حبيبي سوسو .... دلوعة الماما.
الابن : ( يبدو غاضبا ) طيب ماما هيني نازل بس وحياتك اليوم مش رايح اشرب الحليب ولا راح آكل my lunch.؟؟؟
اتمنى ان تنال اعجابكم | |
|
adasmohammad المدير العام
عدد المساهمات : 366 السٌّمعَة : 0 تاريخ التسجيل : 16/09/2009 العمر : 34 الموقع : https://tiger.own0.com
| موضوع: رد: كيف يقولونها ؟ الأحد سبتمبر 27, 2009 6:36 am | |
| ههههههههههههههههههههههههههههههههههههههههههههههههههههههههههههههههههههه اشكرك على موضوعك الرائع ههههههههههههههه مع اطيب تمنيات المديرالعام لمنتدى النمر الاسطوري adasmohammad | |
|
Elika اهم اعضاء المنتدى
عدد المساهمات : 9 السٌّمعَة : 0 تاريخ التسجيل : 27/09/2009 العمر : 30 الموقع : الاردن
| موضوع: رد: كيف يقولونها ؟ الأحد سبتمبر 27, 2009 6:51 am | |
| مشكور على مرورك نورت الموضوع | |
|